Berriak

ACT 2020 Deialdi irekia

ACT 2020

ACT JAIALDIA 2019rako deialdia uztailaren 15etik abenduaren 15era egongo da zabalik.

Parte hartzeko galdetegirako lotura hemen zintzilikatuko da.

Epe muga: 15-12-2019

Parte hartu

JAURIA_ Argiztaketari buruz

4. Eguna: iluminación

Olatz Gorrotxategi idazle eta zuzendariak, Maitane Zalduegi koreografoaren laguntzarekin eta ikasleekin batera, detaile ñimiñoez osatutako giro hertsia sortu dute. Denboraz kanpokoa, ezleku batean kokatua.  Famili arteko harremanek jantzia, ez dugu zehatz jakingo non marrazten den errealitatearen eta fikzioaren arteko muga, non hasten den joko krudela eta non bukatzen bizitza gordina. Zer den oraina, eta zer oroimena, zer den gurari eta zer amets.

Ez da erraza beraz,  argiztaketaren hautua egitea. Definizio zehatzak aukeratu ala amets beroetan kulunkatu? Bilaketa horretan dihardugu, ikusi nahiko duzuena irudikatzen eta nahiko ez zenuketena iradokitzen, buru belarri.

 

‘8’, Fer Montoyaren lagina Guggenheim Bilbao Museoaren XX urteurrenerako

Guggenheim Bilbao Museoa bere XX. urteurrena ospatzen ari da eta horren harira , arlo desberdinetako 20 artistek museoko instalazioen inguruan sortutako 20 performancez osatutako gehigarri bat prestatzen dihardu El Correok.  ‘8’ da Fer Montoya, BAIko zuzendariak prestaturiko prerformancea, entzunezko bizipen-lana. Aurikularren bidez, bertaratutakoek 8 minutuz Louis Bourgeois artistak sortutako ‘Mama’  armiarmaren mezu bat esperimentatu ahal zango dute. Bidaia labur bat izango da, irratiz igorritako audioa gozatu eta armiarmarekin une batzuk partekatzeko.

Ekintza ekainaren 26an gaueko 22.00etan izango da.   Egitasmo orokorrean Sra. Polaroiska, Mabi Revuelta, Igor Yebra edo Pedro Olea bezalako artistek ere hartzen dute parte . Bakoitzak, aukeratutako museoko lan baten inguruan egingo du pieza bat. Udan zehar egingo dira ekintzok eta ondoren, 100 orriko aldizkari batean jasoko dira , argazkiz eta autoreen aurkezpen txikiez osatua eta egunkariak banatuko du.  Honetaz gain, 20 euskal idazlek museoaren inguruko mikroerrelatoak argitaratuko dituzte, 20 ilustraziok lagundutakoak. Ekintzen bideo bat ere grabatuko da eta berau museoan gordeko da.

 

 

 

 

 

 

 

 

Ballet triadikoa

 


BAI Antzerki Eskolako ikasle diren Jennifer Gago, Marta Artetxe eta Usue Martínez BAUHAUS-eko Artxibategian izan dira Berlinen, apirilaren 10etik 23ra bitarte Potsdamen (Alemania) egindako ikasle-trukean zeudela baliatuz.

1922an Bauhaus Eskola-ko Antzerki saileko arduradun Oskar Schlemmerrek Ballet Triadikoa sortu zuen. Haren inguruan BAIko ikasleek ikasgai bat izan dute aurten 52 ordutakoa eta diziplina ezberdinak biltzen dituena.

Tailerrean jantzi eszenikoa lantzen da, Yone Gangotik eta Mabi Revuelta artista plastikoak ematen dute, xedea XX mendeko artean sekulako eragina izan zuen Ballet Triadikoan oinarrituriko figurinak sortzea litzateke.

Hala, BAIn ere, artisautza, antzerkiaren teoria eta eszena historia biltzen ditugu, forma eta funtzioa batu nahian, Bauhausekoek bezala.

Informazio gehiago

Oskar Schlemmer. Exposición Museo de Arte Reina Sofía (cas)

Kurt Schmidt. ‘The Mechanical Ballet’. Vestuario escénico (cas)

Open Studio: Oskar Schlemmer. Whitney Museum of American Art (en)

A moment for the Bauhaus Ballet. Hint Fashion Magazine (en)

Akademie der Künste Berlin / Bayerisches Staatsballett II: The Triadic Ballet. Tanzfonds (en)